Ndị mba Amerịka eduona Barack Husain Obama n’iyi-ọlụ maka ịmalite agba nke abụọ ọchịchị ya. Obama na-achị Amerika kemgbe afọ anọ. N’usoro akwụkwọ iwu mba ahụ, onye isi ala na-achị afọ anọ. Afọ anọ ahụ gafee, o nwere ike iso me ndọrọndọrọ ọchịchị. Ọ bụrụ n’o nwee mmeri, ọ ga-achị afọ anọ ọzọ. Nke a pụtara n’onye isi ala nwere ike ịchị nanị afọ asato na mba ahụ.

Barack Obama malitere agba nke mbụ ọchịchị ya n’ụdị oge a n’afọ 2009, ka o meriri ogbo ya bụ John McCain, onye jiri aha ndị Rịpọblikan zọ ọkwa onye isi ala n'afọ 2008.

Ka agba nke mbụ ọchịchị ya na-erute n’isi njedebe, Obama weputere onwe ya maka iji aha ndị otu Demokrat azọ ọkwa, n’ọnwa Nọvemba afọ 2012. Ndị otu Demokrat kwadosiri ya ike, na-agbanyeghị na ha emezichaghị ọnọdụ akụ n’ụba mba ahụ otu ha siburu chee.

Aka chịburu Steeti Massechussets, Mitt Romney, bụ onye ndị Rịpọblịkan họpụtara ka o cheere Obama aka mgba. Igbo sị na mbe na mbe pụta, e nwere nke bụ oke mbe. Barack Obama meriri Romney n’ụdị Romney na ndị Rịpọblịkan na-atụwaha anya, mgbe ndị Amerịka mere ntụli-aka ozuru ọha, n’abalị 6 nke ọnwa Nọvemba afọ 2012.

Taa bụ abalị 21 nke ọnwa Jenụwarị ka onye isi ulọ-ikpe ukwu nke mba Amerịka, John Robert (jr), duru Obama n’iyi-ọlụ. Ọ ga-achịgide Amerịka ruo na ngwụsị afọ 2016.

Chidi Igwe, Canada
Monday, 21 January 2013 00:00

 

 

 

PROMO

learn 2001848 640

 

FREE PROFESSIONAL WEB DESIGN FOR 30 PEOPLE

Website Plaza is a Regina-based website designer serving in Saskatchewan since 2009.

We are here to provide real help to people, new (starting small) businesses, community associations, churches, small not-for-profit organizations to strengthen their presence and take advantage of the cyberspace and social media for their own growth.

If you need a professionally done website for FREE, contact us today (info@websiteplaza.net or 306-581-4493)!

SUPPORT THIS PROJECT

UNESCO SAYS THAT IGBO WILL GO EXTINCT. WE SAY NO.



Ozi anyị nwetere taa bụ ụbọchị ụka site na Steeti Imo na-ekwu na mmadụ anọ etufuona ndụ ha n’ịke, ebe mmadụ isii merụrụ ahụ. Nke a sitere n’...

Onye ndu nke ndi otu Indigenous People Of Biafra(IPOB) bụ maazị Nnamdị Kanụ ekwuona hoohaa n'ebe o doro anya, na igbu mmadụ esoghị na omenal...

Ndi otu na-eme ngagharị iwe ma na-akpọkwa oku ka onye isi ala bụ Muhammad Buharị chighata malite ọrụ ma ọ bụ gbaa alụkwaghị m, ekwuputana na...

More From: Afrika

Puku kwuru puku ndị mmadụ pụtara n’okporo ụzọ na steeti dị iche iche na–eme ngagharị iwe gbasara mmeri Donald Trump nwetere na ntụli aka elu...

Photo a si n'aka ndi politico.com

Otu nwanyị onye rụrụ Gọvanọ Chris Christie ọrụ dịka onye aka mbụ ya na Steeti New Jersey agwana ndị ọkaịkwe na Gọvanọ Christie mara ịhe bany...

Gere nu ajuju onu a Chidi Igwe gbara Okammuta Chika Okpalike, onye na-akuzi nkuzi na mahadum Nnamdi Azikiwe n'Awka.

Okammuta Oby Okonkwo na-aza anyi ajuju onu gbasara onodu umu nwanyi n'ala Igbo. Okonkwo na-akuzi nkuzi na mahadum Nnamdi Azikiwe di n'Awka...

GERE EKWE NTI

GERE AKUKO UWA

UNESCO SAYS THAT IGBO WILL GO EXTINCT. WE SAY NO.



News in Igbo Language. All Rights Reserved. Designed & Powered by