Top Stories

Grid List

Igbo sị na nkwụcha abụghị ụjọ, ma sịkwa na ọ na-aka mma ibido n'oge gbaba ọsọ mmiri tupuu ozuzo ya. N'ịgbaso nke a, gọọmenti steeti, nke Gọvanọ Willie Obianọ nọ n'isi ya, nọrọ na nso nso wee nye ntụziaka pụrụ iche ụmụafọ steeti ahụ ga-agbaso, iji gbanahị ma gbochie mgbasawanye nke ọrịa nje 'Corona Virus' a maara dịka ọrịa 'Covid-19', ma gùzobekwa òtù ọrụ pụrụ iche maka ibu agha megide ya bụ ajọ ọrịa na-efe èfè.

Ndị uwe ojii steeti Anambra ejidela ụmụokorobịa ise ọrụ ha bụ ịma aka àkpà na igwù ndị mmadụ ojoro n'Awka. Nke a bụ nke e mere ka ụwa mara site n'ọnụ onye na-ahụ maka mmekọrịta ọhaneze na ndị uwe ojii na steeti ahụ, bụ Maazị Harụna Mọhammed, site n'ozi ọ kụpụrụ bànyere nke ahụ nso nso a.

Igbo sị na ọ bụ nke onye mere n'uje ka e ji ekwupùru ya n'ụla. Ka ọ dị taa, òtù ọrụ obi ebere a mààrà dịka 'Sir Emeka Ọffọr Foundation' ebunyela ụlọ ahụ ike mahadum 'Chukwuemeka Ọdụmegwu Ojukwu' imirikiti akụrụngwa na ngwaọrụ ahụ ike gburu nde kwùru nde Naịra n'efù, iji kwàlite ọrụ ya bụ ụlọ ahụ ike.

Ngagharị ịwe na Spen

Yuropu

O weghị oge onye isi ọchịchị mba Spen, Mariano Rajoy, kwuchara na Spen ga-eweghara ọchịchị mpaghara Katalonịa ahụ na-achọ ịnwere onwe ya site n’aka Spen, igwe mmadụ gbakọrọ na mpaghara Katalonịa na Spen dị ịche ịche maka ịme ngagharị ịwe.

Ndị ọrụ ubi si mba Rọshịa

Yuropu

Osote onye isi ala bụ Yemi Osinbajo, ekuola n’Ọ ka mma ịkwado ọrụ ubi n’ime obodo karịa ịtụbata ngwa ahịa nke agaghị enye aka na mgbanwe ego.

Osinbajo mere ka A mata nke a mgbe Ọ nabatara ndị mba Rọshịa dunyere, nke onye ndu ha bụ onye minista ọrụ ugbo mba Rọshịa, Maazị Alexander Tkachev, bụkwa onye isi oche nke otu kọmishọn jikọrọ Naịjirịa na Rọshịa.

Ihe mberede ụgbọelu

Yuropu

N’ụbọchị Tuzdee, otu ụgbọelu bu mmadụ 150 dara kpọkasịa n’ugwu Alps e nwere na mba Frans. Ụgbọelu ahụ, bụ nke ndị Germanwings na-akwọ, si mba Spen na-alaghachị mba Jamini. Ụgbọelu ahụ bu ọtụtụ ụmụ afọ mba Jamini na mba Spen. A chọpụtara n’ụmụ akwụkwọ 16 ndị Jamini so na ndị a na-achọ achọ.

Aka akparala nụ ezekaudele, o kwuo onye chiri ya ọzọ. Onye isi ndị otu agha iyi egwu ahụ a ma ama n’ụwa niile dịka ISIS anwụọna. Baghdadi, nwoke onye okpukperechi alakụba, nke na-achị ndị otu a kpọrọ izlamik steeti, ezutego ọnwụ ya na mba Sirịa.

Mmadụ 60 anwụọna n’Afganistan

Eshia

Ndị agha iyi egwu egbuona ịhe karịrị mmadụ 60 na Kabul yana Ghor. N’ụbọchị Fraịdee, abalị 20 nke ọnwa Ọkụtoba, ndị uwe ojii na Kabul kwuputere n’otu nwoke buuru egbe chịrị mgbọ gawa n’ụlọ okpukpere chi ndị ụka alakụba Shịa.

Mba Taịwan eduola nwanyị

Eshia

Nwaada Tsai Ing-wen, onye zọrọọkwa n’okpuru otu Democratic Progressive Party nwetere mmeri kpụọkụ n’ọnụ na ntụli aka e mere n’ọnwa JenuwarJanuarị.

Tsai Ing-wen bụ onye ndu mbụ kpọrọ oku ka e nwee mkparịta ụka ha na Beijing.

Mba Kanada eweghachina onye Praịm Mịnịsta mba ahụ bụ Justin Trudeau n’ọkwa ọchịchị. Trudeau nwetere mmeri dịka onye isi ala mba Kanada na ntụli aka ozuru-igbo nke e mere na mba ahụ ụnya bụ abalị 21 nke ọnwa Ọkụtoba.

Mick Mulvaney, otu n'ime ndị ọkwa ha gbagoro agbago na White House, obi gọọmenti mba Amerịka, atabiena ire taa. Ọ tọghere ngịga n'igbudu ahịa. Mgbe Mulvaney na-agwa ndị nta akụkọ okwu na Wọshingtịn, n'ụbọchị Tọzdee, mgbe ọ na-aza ajụjụ, Mulvaney kwetere na ịhe Prezidenti Trump jiri hapụ ịnye ndị Yukren $400 M (narị ijeri dọla anọ) ndị omebe iwu mawapụtara ha bụ iji mee ka Yukren mere ya ihe ahụ ọ chọrọ.

Onye nnọchite anya ndị Baltimore n’ụlọ nzukọ omebe iwu mba Amerịka, bụ Maazị Elaịja Commings, anwụọla. Nwa amadị ahụ nwụrụ n’isi ụtụtụ taa bụ Tọzdee, n’ụlọ ọgwụ John Hopkins, site n’ahụ mgbu nke O nwere kemgbe.

Sign up via our free email subscription service to receive notifications when new information is available.
Advertisement