Ọnwụ bụ ọzọ a mà na onye ọbụla ga-echirịrị, ma bụrụkwa òkù a ma na onye ọbụla dị ndụ ga-azarịrị chi ya oge ọbụla o jiri kpọọ ya. Nke a bụ isi sekpụ ntị n'okwuchukwu ofufè nro akwamozu Nze Cyril Igwe, bụ nke weere ọnọdụ nso-nso a n'ezinụlọ be ya dị n'Ebenatọr, n'okpuru ọchịchị ime obodo 'Nnewi South' nke steeti Anambra.

Igbo sị na na ọ na-abụ a na-egbu ji awaị, ọ na-atọ ụtọ, a na-abachawanye ji. N'ịgbaso nke ahụ, ụlọ ọrụ 'Anambra Community And Social Development Agency (ACSDA)' enyekwuola obodo abụọ n'ime steeti ahụ ego iji wee màlite ma kwàlite ọrụ mmepe ime obodo.

Aka na-achị steeti Anambra, bụ Gọvanọ Willie Obianọ nọrọ ụbọchị Tuzdee wee duo Ọkaikpe Ọnọchie Anyachebelụ n'iyi ọrụ dịka ọkaikpe steeti ahụ. Mmemme idu n'iyi ọrụ ahụ bụ nke weere ọnọdụ n'obi gọọmenti dị n'Akwa, ma bụrụkwa nke ọtụtụ ndị selitere isi na ngalaba niile nke steeti ahụ sònyèrè na ya.

Buusu sị na ọ bụ mmekọrịta ahụ bụ ụtọ nwanne, maka na ọ na-abụ e zùó n'ìzù, gbaa afa, a gbata obì ndị mmụọ. N'ịgbasò nke a, òtù jíkọtára ndị Gọvanọ ndịda-ọwụwa anyanwụ ala anyị, a mààrà na bekee dịka "South-East Governors Forum" enweela ọgbakọ nke mbụ na mbụ ha n'ime ahọ 2020, bụ ebe ha nọrọ wee tụkọọ arò ọnụ dịka ụmụnne, ma tinyekwa ọnụ n'okwu bànyere ihe dị iche iche na-eme na mpaghara ahụ.

Igbo sị na ọ bụrụ na a pịaghị ngwèrè ụtàrị, ọ naghị ama na ọ gbà ọtọ. Ka ọ dị taa, ndị uwe ojii steeti Anambra awakpòla ma nwụchikọọ mmadụ atọ a na-enyo enyò na ha bụ ndị ntọ.
Ọ bụ onye na-ahụ maka mmekọrịta ọhaneze na ndị uwe ojii na steeti ahụ, bụ Maazị Harụna Mọhammed mèrè ka ụwa mara nke a n'ozi ọ kụpụụrụ ndị nta akụkọ n'Awka, n'aha onyeisi uwe ojii na steeti ahụ, bụ Maazị John Abang.

More Articles ...