Gọọmenti ala Naịjirịa na-ekwe ndị Naịjirịa nkwa n’a ga-enwe ezigbo ọnọdụ nchekwa na mpaghara ala Naịjirịa niile n’oge ntụli aka ọchịchị a na-abịa abịa. Ndị ọrụ nchekwa ga-ahụ n’e chekwara ndụ ndị mmadụ na ndị ọrụ ngalaba na-ahazi ndọrọndọrọ ọchịchị. A ga-eme ka ntụli aka nke afọ gaa siriri werere.

Willie Obiano, onye isi ọchịchị Steeti Anambra, ekwuona n’ọchịchị ya dị njikere ịrụ ahịa n’ebe dị iche iche na steeti ahụ. A ga-eji akara ngwa ọgbara ọhụrụ were rụọ ahịa ndị ahụ. Akara ngwa ọgbara ọhụrụ ndị ahụ ga-agunye ihe ndị e ji agbanwu ọkụ latrịk, ụlọ mkpọchi...

Ndị Channels Television na-akọwa na ndị ntọ atọrọla Asime Sekibo, nwunye onye omebe iwu bụ Sinetọ George Thompson Sekibo.

Onye isi ọchịchị nke ala Naịjiria bụ Goodluck Jonathan akpọkuona ndị Naịjiria niile ka ha ghara ịda mba n’ịkpere ala Naịjiria na ndị na-achị ya ekpere. Ọ kpọrọ oku ka a na-ekpesiri Naịjiria ekpere ike tụmadị n’oge a ndị Boko Haram na-ebusa ala Naịjiria agha iyi egwu.

Aka chịburu ala Naịjiria, bụrụkwa onye ji aha ndị otu ndọrọndọrọ APC azọ ọkwa onye isi ala na ntụli aka nke a na-akwado ime n’ọnwa Maachị afọ 2015, bụ Jenaral Muhammadu Buhari, ahapugo Abuja gawa mba Briten. Buhari hapụrụ Naịjiria n’ụbọchị Tọzdee jewe mba ofesi, ebe o kwesiri inwe nzukọ.

Biko, wepute ohere lee ihe onyonyo a ndị Channels Television nka ala Nigeria weputere. Ị ga-ahụ ụdị ndị na-achị ala Nigeria. Ọtụtụ ndị mmadụ ewerego ya ka ihe ọchị.

More Articles ...