Super Eagles mere ndi Tahiti ji na aja na Confed Cup

Boolu Ukwu
Typography
  • Smaller Small Medium Big Bigger
  • Default Helvetica Segoe Georgia Times

Ụnyaa bụ Tuzdee abalị 18 nke ọnwa juunu, otu egwuregwu bọọlụ Super Eagles nke ala Nigeria na ndị ogbo ha si mba Tahiti zutere na Brazil na asọmụmpi bọọlụ ụkwụ nke Confederation Cup. Asọmụmpi iko eze egwu bọọlụ a na-aga n’ihu ugbu a na mba Brazil.

Na bọọlụ ahụ A kụrụ n'ama egwuregwu Mineirao, ndị Nigeria jiri ọkpụ goolu 6 A satara nanị 1 were merie mba Tahiti.

Ka O mechara nkeji atọ egwu ọkpa ahụ malitere, Uwa Echiejile pịara otu shọtụ. Bọọlụ ya kụrụ mmadụ abụọ n’ahụ tupu Ọ dakpuo n’ime postu. Nke a nyere Nigeria goolu izizi ya. Ebe ihe dịka nkeji 10, Nnamdi Oduamadi kpara mmadụ abụọ ndị difenda mba Tahiti were sụtara Nigeria goolu ọzọ, nke mere ya goolu abụọ.

Mgbe a gbachara bọọlụ ahụ, Nigeria nwetere ọkpụ  6 ebe mba Tahiti satara nanị otu.

Nigeria ga-ezute mba Uruguay n’abalị 20 nke ọnwa juunu.