Mee 22 Ga-abụ Ụbọchị Ndị Biafra - Ụwazuruike

Dịka otu n'ime ihe dị iche iche e wepụtasịrị iji merube mmemme icheta na ọ gbaala ahọ iri na asatọ kpọnkwem e jiri kwupụpụtanwee nnwere onwe ala Biafra ọhụụ, bụ nke e mere n'abalị iri na abụọ ahọ 2000; onye ndu otu ''Biafra Independent Movement'' bụ maazị Ralph Ụwazuruike akpọkuola ndị otu Biafra ahụ niile ka ha nuputa n'igwè ma mee ngaraghị n'ụzọ awara awara dị iche iche dịgasị na steeti ebe ha nọ, n'abalị iri na abụọ nke ọnwa a.

Maazị Ụwazuruike mere ka a mara nke a site n'ozi ọ kụpụụrụ ndị nta akụkọ, bụ nke Maazị Chris Mocha, bụ onye na-ahụ maka mgbasa ozi ndị otu ahụ binyere aka na ya. Dịka ozi ahụ siri kwuo, ngagharị ahụ ga-ewere ọnọdụ na Benin bụ isi obodo steeti Edo; Port-Harcourt bụ isi obodo steeti Rivers; Asaba bụ isi obodo steeti Delta; Yenegoa bụ isi obodo steeti Bayelsa; Enugu bụ isi obodo steeto Enugu; Ọnịsha, dị na steeti Anambrz; Aba nke steeti Abịa; Owerri nke steeti Imo; Uyo bụ isi steeti Akwa Ibọm; tinyere Abakaliki bụ isi obodo steeti Ebonyi.

Ọ kọwara ịke dịka ịgbaso ụkpụrụ ikewapụta ala Biafra dịka obodo kwụụrụ onwe ya pụọ na Nigeria n'ụzọ udo na na-enweghị nsogbu ọbụla. O kwuru na ala Biafra ga-enwererịrị onwe ya, ma kọwaa na ebumnobi e ji achịkọba mmemme ahụ nke ahọ a bụ iji dọta anya, enyemaka na ntụnye nke otu mba ụwa n'oku ahụ ụmụafọ ala Biafra na-akpọ na ndụdọ ha na-adọ iji kewapụ onwe ha n'ala Biafra ma bụrụ mba kwụụrụ onwe ya.

Maazị Ụwazuruike kpọkuzịkwara gọvanọ Willie Obianọ nke steeti Anambra ka o megharịa ahụ iji hụ na a tọhapụrụ mmadụ iteghete ahụ bụ ndị otu MASSOB e ji eji, ọ kachasị ndị a kpọchiri n'ụlọ nga dị na steeti Anambra, nke gụnyere: Chukwuma Nwọba, Longinus Akụegbu, Okechukwu Ọnụọrah, Anthony Wilfred, Sunday Igwe, Sunday Nweke, David Ota, Robinson Agbo na Onyebuchi Ezia, bụ ndị ndị ọrụ nchekwa nwụchikọrọ ma tụnye ha n'ụlọ nga tupuu e mee nhọpụta ọkwa gọvanọ e mere na steeti ahụ n'ahọ 2018.

Register .NG Domain Name

Website Plaza Nigeria

Please Support this Project Today

Please consider supporting this project today with any amount. No amount is too small! Help us to continue to host and maintain this website for the promotion of the Igbo language and culture.

Amount:

Advertisement

Connect with us

Akuko Uwa

Gọọmenti Anambra Ejikere Iji Usoro Ọgbara Ọhụụ Ejikwa Àtịtị...

Gọọmenti Anambra Ejikere Iji Usoro Ọgbara Ọhụụ Ejikwa Àtịtị...

Dịka a sị na ọ na-abụ onye mara chukwaa abịrịja akwụ ya, ọ bara ya urù n'ozuzu òkè, gọọmenti steeti Anambra ejikerela ịbagide n'atụmatụ iji usoro ọgbara ọhụụ were ejikwa àtịtị (waste), bụ unyi na ihe ndị e kpofùrù n'ahịhịa na steeti ahụ, nakwa imeputagharị ha ka ha ghọrọzie akụnụba na ihe na-enye ego.

Nnewi South Na FRSC Ejikọọ Aka Ibèlàtà Ihe Mbere Okporo Ụzọ...

Nnewi South Na FRSC Ejikọọ Aka Ibèlàtà Ihe Mbere Okporo Ụzọ...

N'iji bèlata oke ihe mberede okporo ụzọ, gọọmenti okpuru ọchịchị Nnewi South, nke steeti Anambra azọpụla ụkwụ dike ijikọ aka ọnụ, ya na ndị òtù ọrụ ala anyị na-ahụ maka ije awele na nchekwa okporo ụzọ, bụ ụlọ ọrụ 'Federal Road Safety Corps'.

Ndị Ụkpọr Etoo Obianọ Maka Ọrụ Mmepe Ime Obodo...

Ndị Ụkpọr Etoo Obianọ Maka Ọrụ Mmepe Ime Obodo...

Dịka a sị na etoo onye gburu ewu, ọ hụ ehi o gbuo, ndị obodo Ụkpọr, dị n'okpuru ọchịchị 'Nnewi South' nke steeti Anambra ebunyela aka na-achị steeti ahụ, bụ gọvanọ Willie Obianọ ụkpa ekele maka ezi mbọ ọ na-agba n'ịkwalite mmepe ime-ime obodo dị iche iche na steeti ahụ.

Igbu na Ịtọrọ Mmadụ N'Ime Ọnwa Anọ nke Afọ a...

Igbu na Ịtọrọ Mmadụ N'Ime Ọnwa Anọ nke Afọ a...

Onyeisi ndị Uweojii n'ala anyị, Alhaji Mohammed Adamu, ekwuola na mmadụ dị otu puku na iri asaa na otu abụrụla ndị tufuru ndụ ha site na mkpa mkpa ndị omekome kpara n'ọnwa anọ mbụ nke afọ puku abụọ na iri na iteghete.

Sineeti Amapụtala N8.916trn Dịka Amụmà Ego Ọrụ Nke Ahọ 2019...

Sineeti Amapụtala N8.916trn Dịka Amụmà Ego Ọrụ Nke Ahọ 2019...

Ndị omebe iwu sineeti ala Nigeria amapụtala ego dị triliọnụ asatọ na ụma iri iteghete na abụọ dịka ego ọrụ nke ahọ 2019. Nke a gbasòrò nabata nke nkwekọrịta ndị òtù nlebà anya, bụ 'Senate Committee on Appropriation', ma bụrụkwa nke e kwupùtara n'ozuzu òkè n'ọgbakọ ndị omebe iwu ahụ nwere nso nso a n'Abụja.

E Jidela Otu Onye Aka Ya Dị n'Ogbugbu Onyeisi Obodo Nimo...

E Jidela Otu Onye Aka Ya Dị n'Ogbugbu Onyeisi Obodo Nimo...

Dịka e kwuru sị na ihe ọ sọrọ nchì ya zogharịba n'ahịhịa, anya ga-ahụrịrị ya otu ụbọchị; aka ndị uwe ojii na steeti Anambra akpàrálá otu onye n'ime ndị ahụ a na-enyo ènyò na aka ya dị na mgbagbu ahụ a gbàgbùrù onyeisi ọchịchị obodo Nimo dị n'okpuru ọchịchị Njikọka, bụ maazị Frank Anthony Igboka.

AKUKO SI MPAGHARA AMERIKA

AKUKO SI MPAGHARA YUROPE NA ESHIA

Igbo Language Resources

Contact Us

4800 Gordon Road
Grasslands PO Box 40026
Regina, SK, Canada S4W 0L3
Tel:+1.306.581.4493
Email: igbo@igboradio.com

Copyright © 2009 - 2018 Igbo Radio & The Foundation for the Promotion of Igbo Language and Culture. All Rights Reserved! Designed & Powered by SITE FATHER.