Ọgwụ Ego: Ndị Uwe Ojii Anwụchikọọla Otu Nwoke Gburu Nne Ya

Aka ndị orụ uwe ojii na steeti Anambra akpàrala otu nwoke gbara ahọ iri ise na abụọ, bụ maazị Chiristopher Ọkadigbo, onye a na-enyo enyo na o gburu nne ya bụ oriakụ Rosaline Ọkadigbo gbara ahọ iri asatọ na abụọ ka o wee gwọchara ọgwụ ego.

N'otu aka ahụ, enyi nwoke onye ahụ a na-enyo enyo, bụ maazị Ameke Udolu bụkwa onye a nwụchikọrọ, bụ onye a na-enyo enyo na o soro kpaa nkàtà ọgwụ ego ahụ.

N'ajụjụ ọnụ a gbara ya na be ya bụ Nando dị n'okpuru ọchịchị Anambra East, Chiifu Innocent Ọkadịgbo, bụ nwa nwoke mbụ nke nwaanyị ajàdụ ahụ e gburu egbu kwuru na ahụ zuru nne ya okè tupuu ọnwụ ya, ma sị na nne ya kpọrọ ya n'abalị mbụ nke ọnwa Mee ma gwa ya na ọ ghọtaghị ka nwanne ya nwoke ahụ bụ Christopher na enyi nwoke ahụ bụ Ameke si bàta n'ime ụlọ ya, ma na-agbagharị okiriki ebe ahụ, na-ekwugasị ihe dị iche iche mmadụ apụghị ịghọta, dịka a ga-asị na ha na-agba afa.

Ọ sịkwa na nne ya gwara ya na kemgbe ụbọchị ahụ na egwu na-atụ ya ibi n'ụlọ ahụ naanị ya, n'ihi ihe ahụ ha mere n'ime ụlọ ya, ma sị na ka ọ gachara otu ụbọchị, na ihe ọzọ ọ nụzịkwara bụ ka otu onye agbataobi ha bụ Pius Aniefule kpọrọ ya n'ekwe ntị sị ya na ọ hụrụ ebe ozu nne ya tọgbọrọ n'ogbu ọbara. O kwuru na ngwa ngwa nke ahụ gachara, na nwanne ya nwoke Christopher, bụ onye akpọbeghị ya kemgbe ahọ 1999 kpọkwara ya n'ekwentị gwa ya na nne ha anwụọla, ma sị na ya onwe ya gabara njem na Minna nke steeti Naịja, ndị mmadụ wee kpọọ ya na-agwa ya ihe ahụ.

Dịka akụkọ siri kọọ, oriakụ Roseline Ọkadịgbo bụzịkwa onye e gburu, ghụkọrọ anya aka ekpè ya na mkpụrụ obi ya. Nke a mezịrị Pius jiri tibe mkpu oge ọ hụrụ ihe ahụ, ndị mmadụ wee gbakọọ n'ebe ahụ. Ma mgbe nke ahụ na-eme, ihe ọzọ a hụzịrị bụ ka Ameke siri n'otu ime ụlọ nwaanyị ahụ gbapụta, ndị mmadụ wee chụba ma nwụchikọọ ya, nara ya ekwentị ya ma site na ya chọpụta mkparịta ụka ya na Christopher, bụ onye a chọpụtara na ọ gwara ya gbara ọsọ bịa chere ya n'isi ụzọ Nteje ngwa ngwa ọ kpachara arụ ahụ, ka ha abụọ wee soro larie; ụmụ okorobịa nọ ebe ahụ wee malite ịhọ ya aka ururu họrọ ogbe ogiri.

N'okwu nke ya, onyeisi ọchịchị obodo ahụ bụ Chief Ignatius Aghadinunọ onye, bụkwa onye zọrọ Ameke Ụbọchị ahụ kwuru na obi luru ya ilu nke ukwuu oge ọ bịaruru ebe ahụ wee hụ ozu nwaanyị ahụ na etu e siri bọkasịa ya, ma hụkwa ndị ntorobịa ahụ iwe juru n'obi, na Ameke, bụ onye ha tigoro gwoo gwoo, nke mezịrị ka ọ kpọọ ndị ọrụ nchekwa ka ha wụchaa n'ebe ahụ, bịa kpụrụ ya.

Otu ọ dị, maazị Christopher ahụ bụzịkwa onye a nwụchikọrọ ebe ọ na-ezogharị na nke otu onye dibịa, wee hafekwa ya n'aka ndị ọrụ uwe ojii.

N'aka nke ya, nwanne nwaanyị ahụ e gburu egbu, bụ Chiifu Uyammadụ Anaeliakụ kwuru na ọ bụghị ụbọchị ahụ ka Christopher bidoro gwọba ọgwụ, kọọ na ụmụ iteghete n'ime ụmụ iri na otu nwaanyị ahụ mụrụ anwụọla n'ụzọ mmadụ apụghị ịkọwa, ma kpọkuzie gọọmenti steeti ahụ ka o nye aka hụ na a bọpụtasịrị ọgwụ niile e liri n'ụlọ ahụ.

Mmadụ abụọ ahụ ugbu a nọzịkwa n'aka ndị uwe ojii, ebe onye ndu ndị uwe ojii kwere nkwa na ha ga-eme nnyocha ghe anya oghe iji hụ na e sogidere okwu ahụ wee ruo n'ebe ọ kwụsịrị.

Register .NG Domain Name

Website Plaza Nigeria

Please Support this Project Today

Please consider supporting this project today with any amount. No amount is too small! Help us to continue to host and maintain this website for the promotion of the Igbo language and culture.

Amount:

Advertisement

Connect with us

Akuko Uwa

Gọọmenti Anambra Ejikere Iji Usoro Ọgbara Ọhụụ Ejikwa Àtịtị...

Gọọmenti Anambra Ejikere Iji Usoro Ọgbara Ọhụụ Ejikwa Àtịtị...

Dịka a sị na ọ na-abụ onye mara chukwaa abịrịja akwụ ya, ọ bara ya urù n'ozuzu òkè, gọọmenti steeti Anambra ejikerela ịbagide n'atụmatụ iji usoro ọgbara ọhụụ were ejikwa àtịtị (waste), bụ unyi na ihe ndị e kpofùrù n'ahịhịa na steeti ahụ, nakwa imeputagharị ha ka ha ghọrọzie akụnụba na ihe na-enye ego.

Nnewi South Na FRSC Ejikọọ Aka Ibèlàtà Ihe Mbere Okporo Ụzọ...

Nnewi South Na FRSC Ejikọọ Aka Ibèlàtà Ihe Mbere Okporo Ụzọ...

N'iji bèlata oke ihe mberede okporo ụzọ, gọọmenti okpuru ọchịchị Nnewi South, nke steeti Anambra azọpụla ụkwụ dike ijikọ aka ọnụ, ya na ndị òtù ọrụ ala anyị na-ahụ maka ije awele na nchekwa okporo ụzọ, bụ ụlọ ọrụ 'Federal Road Safety Corps'.

Ndị Ụkpọr Etoo Obianọ Maka Ọrụ Mmepe Ime Obodo...

Ndị Ụkpọr Etoo Obianọ Maka Ọrụ Mmepe Ime Obodo...

Dịka a sị na etoo onye gburu ewu, ọ hụ ehi o gbuo, ndị obodo Ụkpọr, dị n'okpuru ọchịchị 'Nnewi South' nke steeti Anambra ebunyela aka na-achị steeti ahụ, bụ gọvanọ Willie Obianọ ụkpa ekele maka ezi mbọ ọ na-agba n'ịkwalite mmepe ime-ime obodo dị iche iche na steeti ahụ.

Igbu na Ịtọrọ Mmadụ N'Ime Ọnwa Anọ nke Afọ a...

Igbu na Ịtọrọ Mmadụ N'Ime Ọnwa Anọ nke Afọ a...

Onyeisi ndị Uweojii n'ala anyị, Alhaji Mohammed Adamu, ekwuola na mmadụ dị otu puku na iri asaa na otu abụrụla ndị tufuru ndụ ha site na mkpa mkpa ndị omekome kpara n'ọnwa anọ mbụ nke afọ puku abụọ na iri na iteghete.

Sineeti Amapụtala N8.916trn Dịka Amụmà Ego Ọrụ Nke Ahọ 2019...

Sineeti Amapụtala N8.916trn Dịka Amụmà Ego Ọrụ Nke Ahọ 2019...

Ndị omebe iwu sineeti ala Nigeria amapụtala ego dị triliọnụ asatọ na ụma iri iteghete na abụọ dịka ego ọrụ nke ahọ 2019. Nke a gbasòrò nabata nke nkwekọrịta ndị òtù nlebà anya, bụ 'Senate Committee on Appropriation', ma bụrụkwa nke e kwupùtara n'ozuzu òkè n'ọgbakọ ndị omebe iwu ahụ nwere nso nso a n'Abụja.

E Jidela Otu Onye Aka Ya Dị n'Ogbugbu Onyeisi Obodo Nimo...

E Jidela Otu Onye Aka Ya Dị n'Ogbugbu Onyeisi Obodo Nimo...

Dịka e kwuru sị na ihe ọ sọrọ nchì ya zogharịba n'ahịhịa, anya ga-ahụrịrị ya otu ụbọchị; aka ndị uwe ojii na steeti Anambra akpàrálá otu onye n'ime ndị ahụ a na-enyo ènyò na aka ya dị na mgbagbu ahụ a gbàgbùrù onyeisi ọchịchị obodo Nimo dị n'okpuru ọchịchị Njikọka, bụ maazị Frank Anthony Igboka.

AKUKO SI MPAGHARA AMERIKA

AKUKO SI MPAGHARA YUROPE NA ESHIA

Igbo Language Resources

Contact Us

4800 Gordon Road
Grasslands PO Box 40026
Regina, SK, Canada S4W 0L3
Tel:+1.306.581.4493
Email: igbo@igboradio.com

Copyright © 2009 - 2018 Igbo Radio & The Foundation for the Promotion of Igbo Language and Culture. All Rights Reserved! Designed & Powered by SITE FATHER.