19
Sat, Oct
23 New Articles

Onye obiakpọ agbagbuona mmadụ 26 na Tegzas

Onye obiakpọ agbagbuona mmadụ 26

Amerịka
Typography
  • Smaller Small Medium Big Bigger
  • Default Helvetica Segoe Georgia Times

Taa bụ Sọndee, abalị 5 nke ọnwa Nọvemba, otu nwata nwoke onye Amerịka, jere gbuo mmadụ 26 n’ụlọ ụka First Baptist Church, na Sutherland Springs, na Steeti Tegzas.

N’ihe dịka elekere iri na otu na ọkara, nwata nwoke ahụ gbara afọ 26, buru egbe agha gawa n’ụlọ ụka ahụ. Ọ bara n’ime ụlọ ụka, ebe ndị mmadụ na-efe Chineke, malite ịkwa mgbọ aghara aghara.

Otu n’ime ndị nwụrụ anwụ bụ nwata nwanyị dị afọ 14, nnwa Frank Pomeroy, onye Ụkọchukwu na-elekwata ụlọ ụka ahụ.

Mmadụ 26 nwụrụ anwụ. Ịhe karịrị mmadụ 20 marụrụ ahụ.

Ndị uwe ojii ekwuona na mgbe nwata nwoke ahụ kpachara arụ ahụ, sizie n’ụlọ ụka ahụ na-apụ, otu nwoke ọzọ bidebere ụlọ ụka ahụ nso malitere gbawa ya egbe.

Nke a mere o jiri gbaba n’ịme ụgbọala o jiri bia ebe ahụ, were bọrọ ọsọ.

Ndị uwe ojii kwuru na ha mechara chọta ya ebe ọ nwụrụ anwụ n’ime ụgbọala ya.

Anyị amatabeghị otu o siri nwụọ.