Gọọmenti Anambra Ga-Akwàdo Ndị Ntorobịa Dị Puku Iri Anọ n'Ime Ahọ Anọ --- Obianọ...

Ọchịchị steeti Anambra ekwela nkwà ịkwàdo, o pekata mpe, ndị ntoribịa ruru puku iri anọ n'ime ahọ anọ na-abịa abịa, ma mekwa ka ha guzosie ike, kwụụrụ onwe ha.

Guchaa Akuko a Guoo Akuko Ndi Ozo

Ndi na-achi Nigeria ezugbuole Nigeria n’oshi

Jonathan na-ekwu na obi dị ndị Nigeria ụtọ maka ọnọdụ ọkụ latrik. Onye isi ala Nigeria, Goodluck Jonathan, kwuru okwu na CNN ụnyaa bụ abalị 23 nke ọnwa Jenụwarị. Nwanyị onye nta akụkọ CNN, Christiane Amanpour, gbara Jonathan ajụjụ ọnụ gbasara ọchịchị ya, na ọnọdụ udo na nchekwa n’ala Nigeria.

Jonathan kwuru na ndị otu Boko Haram bụ nanị ihe aka mgba chere Nigeria n’ihu. Ọ kpọrọ oku ka ụwa niile nyere gọọmenti Nigeria aka n’ibusa ndị Boko Haram agha.

Christiane jụrụ Jonathan maka nkwa o kwere n’afọ atọ gara aga, na-asị na gọọmenti ga-agba mbọ maka ime ka ọkụ latrik na-adị mgbe niile. Jonathan gwara Christiane ka o jee jụọ ndị Nigeria bi ebe dịka Lagos na Abuja. N’ọ ga-achọpụta n’afọ juru ndị Nigeria maka mbọ gọọmenti ya na-agba maka ime ka ọkụ na-adị.

Mgbe ndị Igbo Radio kpọrọ ndị niile anyị ma bi na mpaghara Lagos dị ịche ịche, anyị chọpụtara na ọkụ anaghị adị otu Jonathan siri kwu.

Christiane jụkwara Jonathan maka ndị minista ala Nigeria na-ezugbe Nigeria n’oshi. Maka ndị na-ezugide zuo ma mmanụ akụ chi nyere. Ọ jụkwara ya maka nrụrụ aka ndị ọrụ gọọmentị na-eme. Mana Jonathan azaghị ya ọfụma.

Ọ jụrụ Jonathan ihe mere na ụmụ afọ Nigeria na-anwụ n’aka ndị uwe ojii, karịrị ndị na-anwụ site n’aka ndị Boko Haram. Jonathan azaghị ajụjụ a ọfụma.

Pịtụ mkpụrụ aka kọmputa gị ebe a, ma ị chọọ ịle ajụjụ ọnụ a na CNN.

 

Please Support this Project Today

Please consider supporting this project today with any amount. No amount is too small! Help us to continue to host and maintain this website for the promotion of the Igbo language and culture.

Amount:

Advertisement

Connect with us

Akuko Uwa

Gọọmenti Anambra Ga-Akwàdo Ndị Ntorobịa Dị Puku Iri Anọ n'Ime Ahọ Anọ --- Obianọ...

Gọọmenti Anambra Ga-Akwàdo Ndị Ntorobịa Dị Puku Iri Anọ n'Ime Ahọ Anọ --- Obianọ...

Ọchịchị steeti Anambra ekwela nkwà ịkwàdo, o pekata mpe, ndị ntoribịa ruru puku iri anọ n'ime ahọ anọ na-abịa abịa, ma mekwa ka ha guzosie ike, kwụụrụ onwe ha.

Ndị Okenye Anambra Etoo Gọọmenti Etiti Maka Ikwe Nkwa Ịkwụ Anambra Ụgwọ O Ji Ya...

Ndị Okenye Anambra Etoo Gọọmenti Etiti Maka Ikwe Nkwa Ịkwụ Anambra Ụgwọ O Ji Ya...

Otu ndụmọdụ ahụ jikọrọ ndị okenye na ndị e ji okwu ha agba izu na steeti Anambra, bụ nke a maara dịka ''Anambra State Elders’ Advisory Council" etoola gọọmenti etiti maka nkwa ahụ o kwere ịkwụ steeti Anambra ego dị ijeri Naịra iri atọ na asaa n'ime ụgwọ ahụ o ji steeti ahụ maka idozigharị okporo ụzọ dịịrị ya bụ gommenti etiti dị n'ime steeti ahụ nakwa ọrụ ndị ọzọ dịịrị ya, nke gọọmenti steeti ajụ jiri ego ya wee rụọ n'ihi oke mkpa ọ dị.

Nwoke A Tụrụ Nga Mkpụrụ Ọka Amalitela Ime Nzere 'Masters' Ya Na Mahadum...

Nwoke A Tụrụ Nga Mkpụrụ Ọka Amalitela Ime Nzere 'Masters' Ya Na Mahadum...

Dịka a sị na mmasị onye adịghị anwụ n'ime ya, otu nwoke a tụrụ nga mkpụrụ ọkà n'ụlọ mkpọrọ Awka (Awka Prison) dị na steeti Anambra, bụ maazị Jude Ọnwụzulike nọrọ n'ụbọchị Monde banye n'agụm akwụkwọ 'Masters' ya na mahadum "National Open University of Nigeria' (NOUN), bụ ebe ọ ga-eme ihe ọmụmụ "Information Technology". Mmemme mbanye n'agụm akwụkwọ ya ahụ bụ nke weere ọnọdụ n'ogige ụlọ mkpọrọ ahụ dị n'Awka.

Ohere Ezumike: A Dụọla Ụmụakwụkwọ Ka Ha Gusie Akwụkwọ Ike; Nye Ha Nkwàdo...

Ohere Ezumike: A Dụọla Ụmụakwụkwọ Ka Ha Gusie Akwụkwọ Ike; Nye Ha Nkwàdo...

Dịka oge ohere ezumike na-agawanye n'ihu ugbu a, a kpọkuola ma dụọ ụmụ akwụkwọ ka ha were ya bụ ohere ọma gụọ ọtụtụ akwụkwọ ma mụta ọtụtụ ihe ga-enyere ha aka na ndụ, karịa igwufusi ya n'egwuregwu ma ọ bụ n'ịkpa ọfoogeri, bụ nke enweghị ihe ọbụla ọ ga-agbàkwụnye na ndụ ha.

Anambra Ga-Eso Rita Uru n'Amụmà Egọ Ọrụ Mmepe Ụlọ Ọba Ego Mba Ụwa...

Anambra Ga-Eso Rita Uru n'Amụmà Egọ Ọrụ Mmepe Ụlọ Ọba Ego Mba Ụwa...

E meela ka a mara na steeti Anambra ga-esonye na steeti ndị ga-erita uru n'amụma ego ọrụ mmepe ime ime obodo, bụ nke sitere n'aka ụlọ ọba ego mba ụwa.

Obianọ Na Nwunye Ya Emee Ncheta Ọgbụgba Ahọ Iri Atọ Ha Jiri Lụọ Di Na Nwunye...

Obianọ Na Nwunye Ya Emee Ncheta Ọgbụgba Ahọ Iri Atọ Ha Jiri Lụọ Di Na Nwunye...

Oke ọñụ dara nnọọ ụbọchị ụka dịka aka na-achị steeti Anambra bụ gọvanọ Willie Obianọ na ọmarịcha nwunye ya bụ oriakụ Eberechukwu Obianọ mere mmemme icheta na ọ gbaala ahọ iri atọ kpọmkwem ha jiri malite ibi dịka di na nwunye.

AKUKO SI MPAGHARA AMERIKA

AKUKO SI MPAGHARA YUROPE NA ESHIA

Igbo Language Resources

Contact Us

4800 Gordon Road
Grasslands PO Box 40026
Regina, SK, Canada S4W 0L3
Tel:+1.306.581.4493
Email: igbo@igboradio.com

Copyright © 2009 - 2018 Igbo Radio & The Foundation for the Promotion of Igbo Language and Culture. All Rights Reserved! Designed & Powered by SITE FATHER.