Donation Report for September 2017

TRANSPARENCY REPORT: "We asked for $100 but got $0"

Ndi Igbo, udo diri unu!

Izunna Okafor joined the Igbo Radio in August 2017. He is based in Awka and is covering the whole of Anambra State for us. On average, Izunna writes 25 articles per month in Igbo language, which you can enjoy on this website. We reached out to Ndi Igbo and asked 10 people to donate $10 USD each so that we could give Izunna at least $100 honourarium every month for him to remain excited and continue to write these articles that promote the Igbo language.

We are reporting that we received $0 and gave Izunna nothing at all last month.

But Izunna continues to write because he too knows that it is not about the money. It is about knowing that he is making a difference, trying to preserve his own Igbo language, the language that our ancestors gave to us.

Please SUPPORT US IN OCTOBER by clicking on the image to the right!

Asụsụ

Asụsụ bụ e jiri mara ndi ma bụrụkwa nkụ dị na mba na-eghere.mba nri. Ọ bụ ahụghị ebule ma sị elina dike n'ebe mkprịta ụka mmadụ na ibe ya dị. Asụsụ ihe mbụ mmadụ jiri karị ibe yan'elu ụwa.

N'ala Igbo, asụsụ bụ omenala; Asụsụ bụ ejiri mara Igbo; asụsụ bụ nwata tote o tokwuru; asụsụ bụkwazị ihe nketa, bụ nke sitere n'aka ndi nna nna anyị ha wee rute anyị aka. Onye amaghị asụsụ nọ ọdụ ka onye ọbara kọrọ n'isi, maka na asụsụ bụkwa ndụ. Ọzọkwa, onye enweghị asụsụ, aha ya efuona maka aha onye na-esite n'asụsụ onye.

Asụsụ bụ e jiri mara ndi ma bụrụkwa nkụ dị na mba na-eghere.mba nri. Ọ bụ ahụghị ebule ma sị elina dike n'ebe mkprịta ụka mmadụ na ibe ya dị. Asụsụ ihe mbụ mmadụ jiri karị ibe yan'elu ụwa.

N'ala Igbo, asụsụ bụ omenala; Asụsụ bụ ejiri mara Igbo; asụsụ bụ nwata tote o tokwuru; asụsụ bụkwazị ihe nketa, bụ nke sitere n'aka ndi nna nna anyị ha wee rute anyị aka. Onye amaghị asụsụ nọ ọdụ ka onye ọbara kọrọ n'isi, maka na asụsụ bụkwa ndụ. Ọzọkwa, onye enweghị asụsụ, aha ya efuona maka aha onye na-esite n'asụsụ onye.

Ihe ndi a niile bụ eziokwu ma bụrụkwa ihe a gba n'aka, bụ nke a na-ejighị enyo elele. Mana ọzọ dịka ibe ya ma bụrụkwa eziokwu ghe anya oghe bụ na ya bụ ọkụ sitere n'aka fere aka na-achọzị ịnyụ anyụ n'ụbọchị taa maka na ndi e nyere ya bụ ogiri amaghịzị uru ogiri bara n'ofe. Ndi Igbo n'ụbọchị taa na-agbakụtazị ya bụ asụsụ ha azụ ma chezọọ na ebe onye bi ka ọ na-awachi, na a naghịkwa aghara isi aka agba ụrịọm maka na ngwere ghara ukwu osisi, aka akpara ya.

Ọtụtụ n'ime ha anaghịzịkwa enye ụmụ ha aha Igbo ma ya fọdụzie ịsụrụ ha ya bụ asụsụ, n'ihi na ha chezọrọ na ọ bụ aha na asụsụ onye ka e ji ama ebe onye si.

Dịka ọ bụ ihe a na-ahutaghị n'oge nke nna nna anyị ha, ọtụtụ ndi Igbo n'ụbọchị taa apụghịzịkwa ịsụ asụsụ Igbo ogologo oge na-ejighị okeeke ọcha bụ Bekee wee gwaarụkọọ ya, ebe ụfọdụ na-pụghịdị ịsụ ya asụ ma ncha ma ya fọdụzie ide ya ede, ọkachasị ụmụ afọ Igbo ndi nọ n'ụlọ akwụkwọ dị iche iche. Onye ọbụla na-asụzị bekee, ka a ga-asị na ọ naghị anyụ nsị. Ha wee chezọọkwa na ọkwa mba na-achị n'olu n'olu.

Ugbu a bụzịkwa oge a na-ahụta onye na-asụ Igbo dịka onye amaghị akwụkwọ ma ọ bụ onye esoghị n'ihe a na-eme. Ọbụnadị n'ụlọ akwụkwọ ugbu a, ndi nkụzi jikwuzị bekee akụzị asụsụ Igbo n'oge Igbo, ma na-ejikwa ụtarị pịapụ nwata akwụkwọ bụ onye Igbo mmụọ ọjọọ n'anya maka na ọ sụrụ asụsụ ya oge ya na ụmụ afọ ibe ya na-akprị ụka.

Ndi be anyị, ọ bụ gịnị na-emezị?

Ọ bụkwa onye tara anyị amosu a?

Ọ bụ otu a ka ndi nna nna anyṅ ha siri megide asụsụ a wee rute anyị aka taa?

Ndi Awụsa kwa na ndi Yoruba e si otu ahụ eme banyere asụsụ nke ha?

Gịnị mezịrị na anyị achọghị ịkpọ nke anyị nke anyị, ka njiri mara anyị wee dịrị anyị?

Ka anyị echezọọna na onye kpọọ ọba ya ọkpọkọrọ, agbataobi ewere ya kpoo ahịha?

Ndi otu UNESCO ekwuona ma buo amụma n'afọ 2012 na asụsụ Igbo ga-emi mmiri n'oge adịghị anya.

Gịnị ka anyị na-eme banyere nke ahụ iji wee gbochie ya imezu ma meekwa ha ndi amụma ụgha na ndi ọnọ na ndo ahụ ọnwa?

Kedụ ihe kpatara na anyị adịghịzị agụ ụmụ anyị aha uche dị n'ime ya, dịka ndi gboo si eme, o wee bụrụzie aha éfù na aha nwa nkịta onye ọcha ka anyị mma?

A na-ekwu na ọrịa ezughị oke, onye ịba a na-etokwu afọ.

A sị na onye sonyụọ ọkụ ya ọ nọrọ n' ìsì, ma sịkwa na ụdọ nkwụ onye okechì tibie n'opupe, ị mara na ụwa ya agwụsịala.

Gbaa mbọ ma tụnye ụtụ nke gị dịka ezi nwa afọ iji wee kwalite asụsụ Igbo, bụ isi sekpụ ntị na njiri mara na omenala ndi Igbo. Ugbu a ka bụ oge. Onye nwere ntị, ya nụ. Onye a gwara okwe, a hụ ọzọ agwakwa ya. Ma onye a gwara agwa ma ọ nụghị anụ, o mee emee ọ hụ ahụ.

Ndewonụ.

AKUKO SI MPAGHARA AMERIKA

AKUKO SI MPAGHARA YUROPE NA ESHIA

Contact Us

4800 Gordon Road
Grasslands PO Box 40026
Regina, SK, Canada S4W 0L3
Tel:+1.306.581.4493
Email: igbo@igboradio.com

Support Us

Copyright © 2017 Igbo Radio & The Foundation for the Promotion of Igbo Language and Culture. All Rights Reserved! Designed & Powered by WEBSITE PLAZA.